ABŞ prezidenti Tramp İrana hücumlar və İranın yeni lideri Müctəba Xameneinin statusu barədə danışıb.
AzNews.az xəbər verir ki, Tramp həmçinin Hörmüz boğazının təhlükəsizliyi, neft qiymətləri və İranla mümkün razılaşmanın şərtləri ilə bağlı açıqlamalar verib.
Tramp İranın ABŞ və İsrailin hücumlarına cavab olaraq digər Yaxın Şərq ölkələrinə hücum etməsindən "təəccübləndiyini" bildirib və Birləşmiş Ərəb Əmirlikləri (BƏƏ), Qətər və Səudiyyə Ərəbistanı da daxil olmaqla, ABŞ-ın Yaxın Şərqdəki müttəfiqlərinin "əla iş gördüklərini " bildirib.
Tramp İranla istənilən potensial razılaşmanın şərtlərinin "çox möhkəm" olmalı olduğunu vurğulayaraq "İran razılaşma əldə etmək istəyir, amma mən razılaşmaq istəmirəm, çünki şərtlər hələ kifayət qədər yaxşı deyil" deyib.
Tramp hücumlara son qoymaq üçün mümkün razılaşmanın şərtlərinin nə olacağı sualını cavabsız qoysa da, İranın nüvə ambisiyalarından tamamilə imtina etməsi ilə bağlı öhdəliyin razılaşmanın bir hissəsi olacağını bildirib.
ABŞ-ın Hark adasına hücumunun adanın böyük bir hissəsini "tamamilə məhv etdiyini" bildirən Tramp, "əyləncə üçün adanı bir neçə dəfə daha bombalaya biləcəklərini" əlavə etdi.
Neft qiymətlərinin artmasından danışan Tramp İrana hücumlar bitdikdən sonra ucuzlaşma baş verəcəyini bildirib.
Tramp dedi: "Orada çoxlu neft və təbii qaz var, amma bilirsiniz, hazırda bir az tıxac var. Bu tıxac tezliklə aradan qaldırılacaq."
Tramp neft qiymətlərinin ara seçkilərə təsir etməsindən narahat olmadığını bildirib: "İstədiyim tək şey İranın bir daha Yaxın Şərqdə tiran bir gücə çevrilməməsini təmin etməkdir".
Tramp həmçinin bildirib ki, neft qiymətlərinin artması fonunda Hörmüz boğazının təhlükəsizliyini təmin etmək üçün digər ölkələrlə birlikdə bir plan üzərində işləyirlər.
Tramp İranın Hörmüz boğazına mina qoyması ilə bağlı konkret məlumat olmadığını bildirib və boğazda çox ətraflı axtarış aparacaqlarını vurğulayıb. ABŞ Hərbi Dəniz Qüvvələrinin Hörmüz boğazından keçən gəmiləri müşayiət etməsi ehtimalına gəldikdə isə, Tramp "bu, mümkündür" cavabını verib.
"EŞİTDİM Kİ, ARTIQ HƏYATDA DEYİL."
