Ayna portalından alınan məlumata görə, ain.az xəbər verir.
Sabah əl-Numan: “Ali Komandan bu hücumlara görə məsuliyyət daşıyanların hamısını tapıb məsuliyyətə cəlb etmək əmri verib”
“İraqın cənubundakı dünyanın ən böyük neft yataqlarından biri olan “Məcnun”a və Bağdadın mərkəzindəki “Əl-Rəşid” otelinə endirilən zərbələr terror hücumlarıdır və ölkə üçün mənfi nəticələrə səbəb olacaq”. AYNA.AZ xarici mediaya istinadən bildirir ki, bu sözləri İraq Baş nazirinin sözçüsü Sabah əl-Numan deyib.
““Məcnun” neft yatağı, “Əl-Rəşid” oteli və Bağdaddakı ABŞ səfirliyi ölkəmiz üçün ciddi mənfi nəticələrə səbəb olacaq terror hücumlarına məruz qalıb. Bu baxımdan, İraq Silahlı Qüvvələrinin Ali Komandanı Məhəmməd əl-Sudani ölkənin təhlükəsizlik qüvvələrinə bu hücumlara görə məsuliyyət daşıyanların hamısını tapıb məsuliyyətə cəlb etməyi əmr edib”, - deyə Numan vurğulayıb.
Baş nazirin sözçüsü əlavə edib ki, bu obyektlərdə təhlükəsizliyin təmin edilməsində “birbaşa vəzifələrini yerinə yetirməyən” bütün təhlükəsizlik işçiləri də cəzalandırılacaq.
Sonrakı hadisələr barədə daha çox məlumat almaq üçün ain.az saytını izləyin.
