PwC-nin 2050-ci il üçün proqnozuna görə, qlobal iqtisadiyyat ikiqatdan çox artacaq, güc balansları isə dəyişir. Tərtib edilmiş reytinqdə Çin və Hindistan ilk yerləri tutub, Türkiyə isə 11-ci yerdədir. İndoneziya ilk beşlik arasında yeganə müsəlman ölkəsi olub.
İran və ABŞ arasında gərginlik artdıqca və Yaxın Şərqdəki müharibə qeyri-müəyyən olaraq qaldıqca, qlobal güc balanslarının gələcəyi yenidən müzakirə mövzusuna çevrilib. Mütəxəssislər regiondakı kövrək vəziyyətin daha böyük bir müharibəyə çevrilə biləcəyi riski barədə xəbərdarlıq edirlər.
Bu şəraitdə 2050-ci ildə güc proqnozları əsas yer tutur və beynəlxalq audit və konsaltinq şirkəti PwC-nin "Dünya 2050-ci ildə" hesabatı diqqəti cəlb edir. Alıcılıq qabiliyyəti pariteti (PPP) təhlilinə əsaslanaraq hesabatda qlobal iqtisadiyyatın 2050-ci ilə qədər ikiqatdan çox böyüyə biləcəyi proqnozlaşdırılır. Tədqiqat göstərir ki, iqtisadi güc mərkəzləri əhəmiyyətli dərəcədə dəyişəcək.
Hesabata görə, Çin 2050-ci ildə dünyanın ən böyük iqtisadiyyatına çevriləcək, Hindistan isə ikinci yerə yüksələcək. ABŞ isə üçüncü yeri tutacaq.
Siyahının digər diqqətəlayiq aspekti inkişaf etməkdə olan ölkələrin yüksəlişidir. İndoneziya, Braziliya və Meksika kimi ölkələrin yüksəlişi qlobal iqtisadi tarazlığın Qərbdən Şərqə və inkişaf etməkdə olan iqtisadiyyatlara doğru dəyişdiyini göstərir. Xüsusilə, Türkiyənin 11-ci, İranın isə 17-ci yerdə olacağı proqnozlaşdırılırPwC hesabatına görə, dünyanın ən güclü iqtisadiyyatları 2050-ci ildə aşağıdakı kimi sıralanacaq:
ÇİN
HİNDİSTAN
ABŞ
İNDONEZİYA
BRAZİLİYA
RUSİYA
MEKSİKA
YAPONİYA
ALMANİYA
BÖYÜK BRİTANİYA
TÜRKİYƏ
FRANSA
SƏUDİYYƏ ƏRƏBİSTANI
NİGERİYA
MİSİR
PAKİSTAN
İRAN
CƏNUBİ KOREYA
FİLİPPİNLƏR
VYETNAM
İTALİYA
KANADA
BANQLADEŞ
MALAYZİYA
TAYLAND
İSPANİYA
CƏNUBİ AFRİKA
AVSTRALİYA
ARGENTİNA
POLŞA
Əziz MUSTAFA
