Qafqazinfo saytına istinadən ain.az xəbər verir.
İsmayıllıda ağır yol qəzası olub.
“Qafqazinfo” “Report”a istinadən xəbər verir ki, hadisə İsmayıllı-Qəbələ yolunda, rayonun “Təndirxana” adlanan ərazisində qeydə alınıb.
Belə ki, “Hyundai” və “VAZ-21099” markalı minik avtomobilləri toqquşub.
Hadisə nəticəsində “VAZ-21099”un sürücüsü, 35 yaşlı Ayaz Mirzəyev aldığı xəsarətlərdən həyatını itirib. Hər iki avtomobildə olan 4 nəfər isə müxtəlif dərəcəli ağır xəsarətlər alıblar.
Hadisə yerinə yol polisi, təcili tibbi yardım əməkdaşları cəlb olunub. Yaralılar təcili tibbi yardım maşınının köməyi ilə İsmayıllı Rayon Mərkəzi Xəstəxanasına aparılıb.
DİN-nin mətbuat xidmətinin Şəki Regional Qrupundan bildirilib ki, faktla bağlı cinayət işi açılıb və araşdırma aparılır.
Hadisənin gedişatını izləmək üçün ain.az saytında ən son yeniliklərə baxın.
