İran İsrailin əsas nüvə obyektlərindən birinin yerləşdiyi Dimona şəhərinə raket zərbəsi endirib.
"Unikal" xəbər verir ki, bu barədə Al Araby məlumat yayıb.
Məlumata görə, raketlərdən biri yaşayış binasına dəyərək onun çökməsinə səbəb olub. Channel 12 telekanalı hadisə nəticəsində 20 nəfərin yaralandığını, onların arasında 10 yaşlı uşağın da olduğunu bildirib.
Bildirilib ki, hücum nəticəsində şəhərdə 12 yol-nəqliyyat hadisəsi qeydə alınıb.
Eyni zamanda, İranın Negev səhrası istiqamətində, Nüvə Tədqiqatları Mərkəzinin yerləşdiyi əraziyə də bir neçə zərbə endirdiyi qeyd olunur. Bölgədə son 24 saat ərzində artıq yeddinci dəfə hava həyəcanı siqnalı verilib.
