ain.az bildirir, GlobalInfo saytına əsaslanaraq.
ABŞ Mərkəzi Komandanlığı (CENTCOM) İranın ABŞ-yə məxsus F-15 qırıcı təyyarəsini vurması ilə bağlı iddiaları təkzib edib.
Globalinfo.az xəbər verir ki, bu barədə CENTCOM-un rəsmi “X” hesabında paylaşım edilib.
“İran rejiminin qısa müddət əvvəl İran səmasında ABŞ-yə məxsus F-15 təyyarəsini vurduğu iddiası yanlışdır. ABŞ qüvvələri “Epik qəzəb əməliyyatı” çərçivəsində 8 mindən çox döyüş uçuşu həyata keçirib. İran tərəfindən heç bir ABŞ hərbi təyyarəsi vurulmayıb”, – paylaşımda vurğulanıb.
Xatırladaq ki, İranın dövlət televiziyası Hava Hücumundan Müdafiə Birgə Qərargahına istinadən yaydığı məlumatda bir neçə saat əvvəl ölkənin cənubunda düşmənə məxsus F-15 tipli qırıcı təyyarənin vurulduğunu açıqlayıb.
Məlumata görə, təyyarə yer-hava raket sistemi ilə vurulub və Hörmüz adası yaxınlığında, Fars körfəzində qəzaya uğrayıb. Hadisə ilə bağlı araşdırma başladıldığı bildirilib.
Bundan əvvəl İran martın 19-da ABŞ-a məxsus F-35, bir gün əvvəl isə İsrailə məxsus F-16 təyyarəsini vurduğunu iddia edib. ABŞ tərəfi F-35-in vurulmadığını, sadəcə bölgədəki bazalardan birinə “sərt eniş” etdiyini açıqlayıb. İsrail isə F-16-nın hədəfə alındığını, lakin zərər görmədiyini bildirib.
Aysel Əliyeva
Globalinfo.az
Sonrakı hadisələr barədə daha çox məlumat almaq üçün ain.az saytını izləyin.
