Minnesota ştatının keçmiş qubernatoru Trampın İrana qarşı apardığı müharibəni sərt tənqid edərək oğlu Barronu orduya göndərməsini tələb edib...
ABŞ-nin Minnesota ştatının keçmiş qubernatoru, həmçinin ABŞ Hərbi Dəniz Qüvvələrinin sabiq hərbçisi Cessi Ventura ABŞ Prezidenti Donald Trampın İranla müharibə kontekstində mövqeyini sərt tənqid edib.
Poliqon xəbər verir ki, bu barədə Daily Beast nəşri məlumat yayıb.
Ventura “Piers Morgan: Uncensored” proqramında çıxışı zamanı bildirib ki, bir lider başqalarının övladlarını müharibəyə göndərmək istəyirsə, ilk növbədə öz ailəsi ilə bağlı eyni məsuliyyəti daşımağa hazır olmalıdır. Onun sözlərinə görə, müharibə yalnız o halda “əsaslandırılmış” hesab oluna bilər ki, qərar verən şəxs öz övladını da cəbhəyə göndərməyə hazır olsun.
Keçmiş qubernator çıxışında Donald Trampı hərbi xidmətlə bağlı mövqeyinə görə də tənqid edib və onu “çağırışdan yayınan” kimi xarakterizə edib. Ventura qeyd edib ki, ABŞ prezidentinin övladlarından heç biri indiyədək hərbi xidmətdə olmayıb.
Bu kontekstdə o, Trampın kiçik oğlu Bərron Trampa açıq çağırış edərək ABŞ ordusuna qoşulmağı tövsiyə edib. Ventura bildirib ki, bu addım həm şəxsi nümunə, həm də vətənpərvərlik baxımından mühüm olardı və atasının etmədiyini həyata keçirmək imkanı yaradar.
Siyasi müşahidəçilər qeyd edirlər ki, Venturanın bu açıqlamaları ABŞ-də ictimai və siyasi diskussiyaları daha da qızışdıra bilər, xüsusilə də İranla gərgin münasibətlər fonunda hərbi müdaxilə ehtimallarının müzakirə olunduğu bir vaxtda.
Poliqon.info
