İraqın şimalında yerləşən ABŞ hərbi bazaları gecə saatlarında intensiv pilotsuz uçuş aparatları ilə hədəfə alınıb.
Musavat.com xəbər verir ki, yayılan görüntülərdən hücumların miqyası və şiddəti aydın şəkildə hiss olunur.
Kadrlarda ard-arda baş verən güclü partlayışlar, geniş əraziyə yayılan alov dilləri və zərbələrin əks-sədası diqqət çəkir. Gecə vaxtı həyata keçirilən hücumlar zamanı dronların bir neçə dalğa şəklində bazalara zərbələr endirdiyi görünür.
Məlumatlara görə, istifadə olunan pilotsuz aparatların İran mənşəli olduğu bildirilir. Hücumların intensivliyi və davamlılığı bölgədə vəziyyətin daha da gərginləşdiyini göstərir.
Videodan da görünür ki, zərbələr geniş radiusda hiss olunur, partlayışların səsi uzaq məsafələrə yayılır, alov isə qaranlıq səmanı işıqlandırır. Hücumların koordinasiyalı və ardıcıl şəkildə həyata keçirildiyi ehtimal edilir.
Hələlik hadisə nəticəsində itkilər və dağıntıların miqyası barədə rəsmi açıqlama verilməyib.
Musavat.com
