Kansler Merts: Üç il ərzində suriyalıların böyük hissəsi ölkəni tərk etməlidir...
Poliqon xəbər verir ki, Focus nəşrinin məlumatına görə, Almaniya kansleri Merts ölkədə yaşayan təxminən 700 min suriyalı qaçqının mərhələli şəkildə vətəninə qaytarılmasının planlaşdırıldığını açıqlayıb.
Kanslerin sözlərinə görə, növbəti üç il ərzində Almaniyada yaşayan suriyalıların təxminən 80 faizi ölkəni tərk etməli və Suriyaya qayıtmalıdır. O qeyd edib ki, bu qərar xüsusilə Almaniyanın qanunlarına riayət etməyən və “qonaqpərvərlikdən sui-istifadə edən” şəxslərə daha çox şamil olunacaq.
Məlumata əsasən, hazırda Almaniya ərazisində 900 mindən çox suriyalı qaçqın yaşayır. Bu isə ölkənin miqrasiya və sosial sisteminə ciddi yük yaratdığı kimi qiymətləndirilir.
Merts bildirib ki, Suriyada vəziyyətin son illərdə “əsaslı şəkildə yaxşılaşması”, xüsusilə də Bəşər Əsəd hakimiyyətinin devrilməsindən sonra təhlükəsizlik mühitinin dəyişməsi Almaniyanın bu məsələyə yanaşmasını yenidən nəzərdən keçirməsinə səbəb olub. Onun fikrincə, mövcud şəraitdə bir çox şəxslər üçün beynəlxalq müdafiə ehtiyacı artıq əvvəlki səviyyədə deyil.
Ekspertlər isə qeyd edirlər ki, belə genişmiqyaslı geri qaytarma planı həm hüquqi, həm də humanitar baxımdan ciddi müzakirələrə səbəb ola bilər. Xüsusilə beynəlxalq hüquq normaları, insan hüquqları və qaçqınların təhlükəsiz qayıdışı məsələləri əsas diqqət mərkəzində olacaq.
Poliqon.info
