İsrail ordusu ABŞ prezidenti Donald Trampın çıxışından dərhal sonra İrandan daha bir raket atəşi barədə məlumat verib.
Bakıvaxtı.az “LeMonde.fr”ə istinadən xəbər verir ki, bir neçə saat ərzində üçüncü dəfə olaraq ordu İrandan İsrail dövlətinin ərazisinə doğru atılan raketləri müəyyən etdiyini açıqlayıb. Əlavə edilib ki, müdafiə sistemləri təhlükəni dəf etmək üçün hərəkətə keçib.
Ordunun Daxili Cəbhə Komandanlığının məlumatına görə, İsrailin şimalında hava hücumu sirenləri səslənib və hələlik heç bir itki və ya dağıntı barədə məlumat verilməyib.
Aydın Baxış
