Bizimyol saytına istinadən ain.az xəbər verir.
2 aprel gecəsi dronlar Başqırdıstanın paytaxtı Ufa şəhərindəki "Bashneft-Novoyl" neft emalı zavoduna hücum ediblər.
Bizimyol.info xəbər verir ki, monitorinq kanallarının verdiyi məlumata görə, zavod ərazisində güclü partlayışlar baş verib və dərhal sonra obyektin ərazisində böyük yanğın başlayıb.
Əvvəlcədən bildirilir ki, zərbə zavodun xam neftin ilkin emalından məsul əsas qurğularından birinə endirilmiş ola bilər.
Başqırdıstan rəhbəri Radiy Xabirov Ufanın dron hücumuna məruz qalmasını təsdiqləyib: "Ufaya pilotsuz uçan aparatların hücumu baş verib. Neft emalı zavodlarına yaxınlaşan bir neçə dron vurulub, onların qırıntılarından biri sənaye zonasına düşüb, xəsarət alan yoxdur. Hazırda zavod ərazisində yanğın söndürülür", - deyə o qeyd edib.
Xabirov əlavə edib ki, iddialara görə, başqa bir dron yaşayış binasına düşüb, lakin xəsarət alan olmayıb.
Martın 29-u gecəsi USQ-in dronları Rusiya “Ust-Luga” limanındakı neft terminalına zərbə endirmişdi. Bu, Baltik dənizindəki əsas rus limanıdır və neftin, o cümlədən Rusiyanın kölgə donanmasından istifadə edilməklə ixracı bu liman vasitəsilə həyata keçirilir.
Ayın əvvəlində USQ-in “Alfa” xüsusi əməliyyat mərkəzinin dronları Krasnodar diyarındakı "Tixoretsk" neftötürücü stansiyasının infrastrukturuna da zərbə vurmuşdu.
Martın 3-ü isə dronlar Ufa şəhərindəki "Bashneft-Ufaneftekhim" neft emalı zavoduna hücum etmişdi. Açıq mənbələrə görə, bu müəssisə təxminən 60 adda məhsul istehsal edir, o cümlədən benzinin, mazutun, dizel yanacağının və mayeləşdirilmiş qazların istehsalı.
Bizimyol.info
Ən son xəbərləri və yenilikləri almaq üçün ain.az saytını izləyin.
