FİFA referisi Kamal Umudlu UEFA yarışlarında iki oyunu idarə edib.
QOL.az xəbər verir ki, bu barədə AFFA-nın mətbuat xidməti məlumat yayıb. O, 19 yaşadək futbolçular arasında Avropa çempionatının seçmə mərhələsinin I raundunun 3 oyununda fəaliyyət göstərib.
Kamal Umudlu A qrupunun İsveç – Sloveniya və Belçika - İsveç matçlarında baş hakim, Belçika – Sloveniya qarşılaşmasında isə ehtiyat hakim olub.
Digər azərbaycanlı referi Vüsal Məmmədov isə hər üç qarşılaşmada baş hakimin köməkçisi funksiyasını yerinə yetirib.
