Lent az portalından alınan məlumata görə, ain.az xəbər verir.
İspaniya Avropanın ən populyar turizm istiqamətlərindən biri olaraq qalır. Lakin son illərdə turist sıxlığının artması və ictimai qaydaların pozulması səbəbindən ölkənin bir çox kurort bölgəsində qaydalar xeyli sərtləşdirilib.
Lent.az xarici mediaya istinadən xəbər verir ki, Britaniyanın nəşrinin məlumatına görə, xüsusilə Kanar və Balear adalarında yeni məhdudiyyətlər tətbiq olunur. Turistlərin bu qaydaları əvvəlcədən bilməsi vacib hesab olunur.
Elektron siqaretə görə cərimələr
İspaniyada 2025-ci ildən etibarən açıq məkanlarda siqaret çəkmək qadağan edilib. Bu qadağa restoran və bar terraslarını, həmçinin çimərlikləri də əhatə edir.
Qayda yalnız siqaretə deyil, eyni zamanda veyp, qəlyan, qızdırılan tütün məhsulları və nikotin paketlərinə də şamil olunur. Qaydanı pozan şəxslər 30 avrodan 2000 avroya qədər cərimə edilə bilər.
Ayaqqabı ilə bağlı məhdudiyyətlər
İspaniyada avtomobil icarəyə götürmək istəyən turistlər düzgün ayaqqabı seçməlidir. Qanunvericiliyə görə, sürücünün ayaqqabısı pedalları rahat idarə etməyə imkan verməlidir.
Şəp-şəp, sandal, hündürdaban ayaqqabılar və ya ayaqyalın avtomobil idarə etmək qadağandır. Polis bu qaydanın pozulmasına görə 80-200 avro arası cərimə tətbiq edə bilər.
Geyim qaydaları: bikini qadağası
Bəzi kurort bölgələrində turistlərin görünüşü ilə bağlı ciddi qaydalar mövcuddur. Çimərlik və ya hovuzdan kənarda açıq-saçıq geyimlə gəzmək qadağandır.
Bəzi şəhərlərdə yalnız bikini və ya çimərlik şortu ilə küçədə gəzmək, eləcə də üstü açıq şəkildə dolaşmaq qanunsuz sayılır. Bu halda cərimələr 500 avroya qədər çata bilər.
Alkoqol məhdudiyyətləri
Balear adalarında, xüsusilə Maqaluf, Mayorkadakı Playa-de-Palma və İbizada San-Antonio bölgələrində alkoqolla bağlı ciddi məhdudiyyətlər tətbiq olunub.
“Happy hour”, limitsiz içki təklifləri, bar turları və qayıq partiləri qadağan edilib. Bəzi kurortlarda turistlər üçün gündə maksimum 6 içki limiti qoyulub (3 naharda, 3 axşam yeməyində).
Bundan əlavə, küçələrdə spirtli içki qəbulu və özəl villalarda icazəsiz partilər də qadağandır.
Şezlonq rezervasiyası qadağası
Bir çox turistin dəsmal qoyaraq şezlonqları “tutması” artıq bəzi çimərliklərdə cərimə ilə nəticələnə bilər.
Otellər və çimərliklər belə hallarda əşyaları götürə və ya xəbərdarlıq kartları yerləşdirə bilər. Uzun müddət boş qalan şezlonqlar yenidən istifadəyə verilə bilər.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
