Britaniyalı milyarder Nik Kendi Londonun Çelsi rayonundakı malikanəsini 350 milyon dollara satıb.
Bakıvaxtı.az "Bloomberg"ə istinadən xəbər verir ki, bu qiymət fərdi ev üçün rekord qiymət hesab olunur.
Tikinti maqnatının 2025-ci ildə boşanana qədər həyat yoldaşı Kerolin Holmsla birlikdə yaşadığı malikanə 2 akr (1 akr təxminən 4,046.86 kvadratmetr) ərazidə yerləşir. Mülkdə əvvəllər 18-ci əsrin birinci yarısında ölkəyə rəhbərlik etmiş Britaniyanın ilk baş naziri Robert Uolpolun evi yerləşirdi.
Mülkdə gölməçə və üzgüçülük hovuzu var. Ev və ərazi "Candy London" tərəfindən layihələndirilib.
Ev açıq bazarda satışa çıxarılmasa da, bir neçə potensial alıcı onu almaqda maraqlı olub.
Alıcının kimliyi açıqlanmayıb.
Gülşən Şərif
