Rusiya viza azadlığını genişləndirmə işlərini sürətləndirib.
"Cebheinfo.az" xəbər verir ki, İqtisadi İnkişaf naziri Maksim Reşetnikov, Malayziya, Bəhreyn və Küveyt ilə viza ləğvi mövzusunda danışıqların davam etdiyini açıqlayıb.
Reşetnikov, həmçinin Hindistan və Vyetnam vətəndaşları üçün qrup əsaslı vizasız səyahət imkanının dəyərləndirildiyini bildirib.
Bu addımın xüsusilə Asiya bazarından Rusiyaya yönəlmiş turist axınını artırması hədəflənir.Nazir keçən il Çin, Səudiyyə Ərəbistanı və Oman ilə viza rejiminin ləğv edilməsinə dair razılaşmaların əldə olunduğunu xatırladıb.
Bu ölkələrlə edilən tənzimləmələrin müsbət nəticələr verdiyi qeyd olunur.Son iki ildə Rusiya turizm sektoru mühüm böyümə qeydə alıb. Ölkəyə gələn xarici turistlərin sayı 1,5 dəfə artaraq 5,6 milyon nəfərə çatıb. Rəsmilər viza asanlığının bu artımda birbaşa təsirli olduğunu vurğulayırlar.
Reşetnikov "İnturmarket-2026" sərgisinin ümumi iclasında etdiyi çıxışda beynəlxalq səyahətlərin qarşısındakı maneələri aradan qaldırmağa davam edəcəklərini söyləyib.
Yeni viza tənzimləmələri ilə birlikdə növbəti dövrdə turist sayında daha yüksək rəqəmlərə çatılması gözlənilir.
