“PAŞA Bank”ın səhmdarlıq strukturunda dəyişikliklərin ediləcəyi gözlənilir.
Banker.az xəbər verir ki, yeni səhmlərin buraxılışı nəticəsində 932,926 ədəd səhmin tam yerləşdirilməsi həyata keçirilərsə, səhmdarlıq strukturunda gözlənilən dəyişikliklər olacaq.
Belə ki, əsas səhmdar olan PAŞA Holding-in payı 56.8195%-dən 53.9785%-ə enəcək. Bless MMC-nin payı 28.1796%-dən 26.7706%-ə düşəcək.
Arif Mir Cəlal oğlu Paşayev-in payı 9.9944%-dən 9.4946%-ə, Mir Camal Hafiz oğlu Paşayev-in payı isə 5.0066%-dən 4.7562%-ə qədər azalacaq.
Bundan əlavə qeyd olunmalıdır ki, PAŞA Holding MMC-yə məxsus olan 56.8195% payın yaxın gələcəkdə həmin Holdinqə məxsus “PAŞA Maliyyə Holdinqi” MMC-yə ötürülməsi nəzərdə tutulur.
