Züriyə Ruslanqızı: “Seçkilər yaxınlaşdıqca bu prosesin davam etməsi ehtimalı yüksəkdir”
ABŞ-ın baş prokuroru Pam Bondi vəzifəsini tərk edir, prezident Donald Tramp cümə axşamı onun bəzi əsas prioritetlərini idarə etməsindən məyus olduğu xəbərləri fonunda bildirib. "Biz Pam-i sevirik və o, yaxın gələcəkdə elan ediləcək özəl sektorda çox ehtiyac duyulan və vacib yeni işə gedir" deyə o, Truth Social-da yazdı. “Baş prokurorun müavini Todd Blanş departamentin baş prokurorunun səlahiyyətlərini icra edəcək” deyə Tramp bildirib.
Yüksək səviyyəli administrasiya rəsmisi və vəziyyətlə tanış olan mənbə NBC News-a bildirib ki, Bondi işdən çıxarılıb.
Ağ Evdəki müzakirələrlə tanış olan bir adamın sözlərinə görə, Tramp son günlər Bondidən “daha çox əsəbiləşib”.
O qeyd edib ki, onu bir insan kimi bəyənsə də, onun "görmələrini istədiyi kimi həyata keçirdiyini" düşünmür.
Bondi ABŞ prezidenti tərəfindən istefaya göndərilən ikinci kabinet üzvüdür.Kristi Noem isə ötən ay daxili təhlükəsizlik katibi vəzifəsindən qovulub. NBC News qeyd etdi ki, Tramp Noemdən getdikcə əsəbiləşdi, lakin sonda onun işinə başa gələn iki konqres dinləməsindəki çıxışı oldu. Floridanın keçmiş konqresmeni Matt Gaetz namizədliyini geri götürdükdən sonra Tramp Ədliyyə Nazirliyinə uzun müddət sadiq olan Bondini seçdi.
Bondinin Trampla çoxdankı əlaqələri var idi. 2016-cı il Respublikaçıların Milli Konvensiyası zamanı o, keçmiş dövlət katibi Hillari Klintona qarşı “Onu bağla” şüarlarına qoşuldu və daha sonra Trampın ilk impiçment məhkəməsi zamanı onun müdafiə komandasına qoşuldu.
Artıq neçənci dəfədir ki, ABŞ rəsmiləri istefa verir. Epşteyn sənədlərini açıqladığına görə Amerikanın baş prokurorunu Tramp işdən çıxardı. Ardınca ABŞ Ordusunun Baş Qərargah rəisi də postunu tərk edib. Pentaqon ABŞ Ordusunun Baş Qərargah rəisi general Rendi Corcun istefasını rəsmi şəkildə elan edib.
Yəni artıq Trampın komandasında istefalar başlayıb. Bunlardan əvvəl isə ABŞ-ın Milli Antiterror Mərkəzinin direktoru Co Kent Donald Tramp administrasiyasının İrana qarşı hərbi siyasətinə, xüsusilə fevralın sonundan başlayan hərbi əməliyyatlara etiraz olaraq vəzifəsindən istefa verib. O, sosial şəbəkə vasitəsilə istefasını açıqlayan və müharibə siyasətinə qarşı çıxan ilk yüksək rütbəli rəsmidir.
Artıq Trampın komandasında istefalar başlayıb. Bu o deməkdirmi, Trampın komandasında artıq yarpaq tökümləri başladı?Seçkilər yaxınlaşdıqca ehtimal etmək olarmı ki, bu proses daha da dərinləşəcək?
Politoloq Züriyə Ruslanqızı (Qarayeva) baki-xeber.com-a ABŞ administrasiyalarında yüksək vəzifəli şəxslərin istefası yeni hal deyil və bu cür hadisələr xüsusilə seçkilərə yaxın dövrdə daha çox görünür: “Burada baş verənləri təkcə zəifləmə kimi yox, həm də komandanın yenidən formalaşdırılması kimi oxumaq lazımdır. Trampın idarəetmə üslubu daha mərkəzləşmişdir və belə sistemlərdə fikir ayrılıqları tez üzə çıxır. Qəzza kimi həssas mövzular isə komanda daxilində həm siyasi, həm də etik baxımdan parçalanma yarada bilir. Bu səbəbdən bəzi şəxslər prinsipial mövqeyinə görə gedir, bəziləri isə liderin daha uyğun gördüyü kadrlarla əvəz olunur.
Seçkilər yaxınlaşdıqca bu prosesin davam etməsi ehtimalı yüksəkdir. Çünki kampaniya dövrü həm daxili təzyiqin, həm də ictimai diqqətin artdığı mərhələdir və bu zaman liderlər daha sadiq və vahid mövqedə olan komanda qurmağa çalışır”.
Z.Ruslanqızının sözlərinə görə, amma bunu avtomatik olaraq zəiflik kimi qiymətləndirmək doğru olmaz. Bəzən bu dəyişikliklər daha sərt nəzarət və daha koordinasiyalı qərarvermə üçün edilir. “Əsas məsələ odur ki, bu dəyişikliklər idarəetməni dağınıq hala salır, yoxsa əksinə daha yığcam və effektiv edir”-deyə Z.Ruslanqızı bildirdi.
İradə SARIYEVA
