Banklar iki ayda kredit faizlərindən nə qədər gəlir əldə edib? – RƏSMİ

Bu ilin yanvar-fevral aylarında Azərbaycanda bankların kreditlər üzrə faiz gəlirləri 714.8 milyon manat təşkil edib.

Bizim.Media Azərbaycan Mərkəzi Bankına (AMB) istinadən xəbər verir ki, bu, ötən ilin eyni dövrü ilə müqayisədə 20,4% artıb.

Qeyd edək ki, martın 1-i tarixinə Azərbaycanda bankların kredit portfeli 30 milyard 118.9 milyon manat təşkil edib ki, bu da aylıq müqayisədə 0,5% və ya 138.8 milyon manat çoxdur.

Kredit portfelinin 16 milyard 58 milyon manatı (+0,7%) biznes kreditlərinin, 9 milyard 467.5 milyon manatı (+0,4%) istehlak kreditlərinin, 4 milyard 593.4 milyon manatı (-0,3%) isə ipoteka kreditlərinin payına düşüb.

Bizim.Media