Polşa “Pfizer”in 64 milyon doza COVID-19 peyvəndini qəbul edib utilizasiya etməlidir.
Yeniavaz.com xəbər verir ki, bu barədə Polşanın səhiyyə naziri İolanta Soberanska-Qrenda məlumat verib.
Belçika məhkəməsi Varşavaya təxminən 1,3 milyard avro və faiz dəyərində 64 milyon doza koronavirus peyvəndinin çatdırılmasını qəbul etməyi və ödəməyi tapşırıb. Polşa, 2021-ci ildə Avropa Komissiyasının prezidenti Ursula fon der Leyenin təşəbbüsü ilə keçirilən kollektiv satınalma çərçivəsində peyvəndlərin alınması üçün müqavilə imzalayıb. “Pfizer” çatdırılmamış peyvəndlərin pulunu tələb edir və onları yaxın illərdə Varşavaya köçürəcəyinə söz verir.
Soberanska-Qrenda, buna 6 milyard zloti xərclənəcəyindən son dərəcə məyus olduğunu bildirib. Nazir əlavə edib ki, bu məbləğ xərçəng xəstələri üçün bir illik dərman təchizatına, rezident həkimlər üçün bir illik təlimə, KT skanerlərinin sayının altı dəfə artırılmasına və ya ölkədə MRT aparatlarının sayının üç dəfə artırılmasına xərclənə bilər.