"Baş ağrılarından ən çox perfeksionistlər əziyyət çəkir".
Publika.az xəbər verir ki, bunu mütəxəssis, psixosomatoloq Yelena Verşinina News.ru saytına açıqlamasında bildirib.
Onun sözlərinə görə, bu cür ağrılar təsadüfi yaranmır, zamanla toplanan uzunmüddətli daxili gərginliyin nəticəsidir.
"Tez-tez baş verən baş ağrılarının səbəbi nədir? Əgər onlara psixosomatika baxımından yanaşsaq, bu, uzunmüddətli psixoloji gərginliyin təzahürüdür. Miqrenlər, adətən, beyni daim həddindən artıq gərginləşdirmək vərdişinə görə perfeksionistləri və özünütənqidə meyilli insanları müşayiət edir", - deyə Verşinina qeyd edib.
