Bakıda ağacın aşması nəqliyyatın hərəkətinə mane olub. Oxu.Az-a daxil olan məlumata görə, hadisə paytaxtın Neapol küçəsində qeydə alınıb. Bildirilib ki, küçədə ağacın aşması nəticəsində yol müvəqqəti olaraq bağlanıb. Yaranmış vəziyyətlə əlaqədar olaraq, həmin ərazidən keçən 62 nömrəli marşrut xətti üzrə hərəkət edən avtobusların istiqaməti dəyişdirilib. Hazırda avtobuslar alternativ olaraq əsas yol ilə hərəkət edirlər.