Üç komandaya texniki məğlubiyyət verildi

AFFA İntizam Komitəsi 3 komandanı texniki məğlubiyyətlə cəzalandırıb.

"Football-plus.az" xəbər verir ki, qurumun bugünkü iclasında belə qərar qəbul edilib.

AFFA U-14 Qızlar Liqasının “Sumqayıt" - "Pirallahı” oyunu qonaq komandanın futbolçularının sayı yetərli olmadığına görə baş tutmayıb. Ona görə də "Pirallahı"ya 0:3 hesablı texniki məğlubiyyət verilib.

Həmin çempionatda “Kür" komandası “Mingəçevir”lə oyuna təyin edilən vaxtda gəlmədiyinə görə eyni cəzanı alıb.

Futzal liqasında isə "Şuşa" – U-19 görüşü "Şuşa"nın təyin olunan vaxtda meydana daxil olmadığına görə baş tutmadığı üçün bu komanda 0:5 hesablı texniki məğlubiyyətlə cəzalanıb.