Olay.az saytına istinadən ain.az xəbər verir.
Olimpiya çempionu və Azərbaycanın aparıcı cüdoçularından biri olan Hidayət Heydərov idmandan kənar fəaliyyətlərini və qlobal mövqeləndirilməsini inkişaf etdirmək məqsədilə menecment şirkətlərindən CreaPlus Marketing Agency ilə tərəfdaşlıq qurub.
OLAY yazır ki, razılaşmanın Heydərovun kommersiya imkanlarının genişləndirilməsi, beynəlxalq görünürlüğünün artırılması, xüsusilə brend əməkdaşlıqları, qlobal kampaniyalar və strateji çıxışlar üzərində, eləcə də beynəlxalq imicinin gücləndirilməsi istiqamətində fokuslanacağı gözlənilir. Eyni zamanda, bu əməkdaşlıq idman karyerasından sonrakı dövrü də əhatə edən uzunmüddətli strategiyanın qurulmasını nəzərdə tutur.
Qeyd edək ki, Hidayət Heydərov son illərdə əldə etdiyi nailiyyətlərlə Azərbaycanın idman tarixində önəmli yer tutub və onun gələcək karyerası həm yerli, həm də beynəlxalq idman ictimaiyyəti tərəfindən maraqla izlənilir.
“Bu əməkdaşlığın mənim karyeramın inkişafında yeni imkanlar yaradacağına inanıram. Məqsədim yalnız idmanda deyil, eyni zamanda beynəlxalq səviyyədə daha güclü mövqelənmək və qlobal arenada daha geniş imkanlar əldə etməkdir”, - deyə, Hidayət bildirib.
CreaPlus şirkətinin rəhbəri İlaha Nəzərova isə fikirlərini belə ifadə edib:
“Bizim üçün Hidayət Heydərov kimi Olimpiya çempionu ilə çalışmaq böyük məsuliyyətdir. Məqsədimiz onun uğurlarını daha geniş auditoriyaya çatdırmaq və qlobal əməkdaşlıqlar qurmaqdır”.
Daha ətraflı məlumat və yeniliklər üçün ain.az saytını izləyin.
