Azpolitika.az portalından əldə olunan məlumata əsasən, ain.az xəbər verir.
Fransanın paytaxtı Parisin əsas simvollarından biri olan Eyfel qülləsi bu dəfə qeyri-adi xəbərlə gündəmə gəlib.
Məlumata görə, qüllənin orijinal pilləkənlərinin bir hissəsi hərraca çıxarılacaq. Nadir eksponatın gələn ay satışa təqdim olunacağı bildirilir.
Ekspertlər artefaktın 140 min – 175 min ABŞ dolları aralığında qiymətə satılacağını proqnozlaşdırırlar. Qeyd edilir ki, sözügedən pilləkən hissəsinin saxlanılması üçün geniş və hündür tavanlı məkan tələb olunur.
Xatırladaq ki, Eyfel qülləsi hər il təxminən 7 milyon turist tərəfindən ziyarət olunur. Ümumilikdə isə onun açılışından bu günədək 300 milyona yaxın insanın bu tarixi abidəni gördüyü ehtimal edilir.
"AzPolitika.info"
Hadisənin gedişatını izləmək üçün ain.az saytında ən son yeniliklərə baxın.
