Lent az portalından alınan məlumata görə, ain.az xəbər verir.
Tovuz rayonunda aztəminatlı ailənin 3 azyaşlı övladının uşaq evinə yerləşdirilməsi ilə bağlı müraciət edilib.
Rayon sakinləri Tovuz İcra Hakimiyyətinə müraicət edərək, 3 azyaşlının onlara baxmağa imkanı olmayan ailədən alınmasını xahiş ediblər.
Qonşuların iddiasına görə, ailədə ana əqli və fiziki qüsurlu, ata isə içki düşkünüdür.
" Onlar azyaşlı oğlanları diləndirir, fiziki şiddət tətbiq edirlər. Buna görə də icra hakimiyyətinə və polisə uşaqların ailədən alınması üçün müraciət etmişik" deyə, qonşular bildirib.
Ailəyə icra hakimiyyəti tərəfindən baxış keçirilib, uşaqlar müayinə olunmaq üçün Tovuz rayon Mərkəzi xəstəxanasına aparılıb.
İH-dən APA-ya bildirilib ki, uşaqlar hazırda xəstəxanada həkim nəzarətindədir, növbəti mərhələdə onların uşaq evinə yerləşdirilməsi nəzərdə tutulur.
Xəstəxanadan isə APA TV-yə bildirilib ki, hər üç azyaşlı müayinə olunub, onların səhhəti qaydasındadır.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
