Avropa İttifaqı (Aİ) Şengen bölgəsi üçün giriş və çıxış prosedurlarında köklü dəyişiklik tətbiq edib. "Giriş/Çıxış Sistemi" (EES) adlanan yeni sistem bu gündən qüvvəyə minib.
Hafta.az yazır ki, yeni sistemlə Şengen ölkələrinə daxil olan üçüncü ölkə vətəndaşlarının pasportlarına fiziki möhür vurulması praktikası sona çatır. Bunun əvəzinə, sərnişinlərin barmaq izləri və üz tanıma məlumatları rəqəmsal şəkildə qeydə alınacaq.
Aİ rəsmiləri sistemin əsas məqsədinin sərhəd təhlükəsizliyini artırmaq və viza pozuntularının qarşısını almaq olduğunu bildirirlər. Yeni sistem sayəsində Şengen bölgəsində icazə verilən müddətdən artıq qalan şəxslər avtomatik olaraq müəyyən edilə bilər.
Nə dəyişir? Biometrik məlumatlar pasport möhürlərini əvəz edəcək. Giriş və çıxış tamamilə rəqəmsal şəkildə izləniləcək. 90 günlük qaydanı aşanlar sistemdə avtomatik olaraq görünəcək. İlkin tranzit zamanı sərhəd keçidlərində uzun növbələr yarana bilər.
Yeni sistem, viza ilə və ya vizasız Şengen bölgəsinə daxil olan bütün Aİ ölkərinin vətəndaşı olmayanları əhatə edir.
Mütəxəssislərin fikrincə, bu yeni dövr əvvəlcə sərhəd keçidlərində, xüsusən də Türkiyədən Avropaya səyahət edənlər üçün daha uzun işləmə müddəti demək ola bilər.
