Misli Premyer Liqasında 27-ci tur bu gün başa çatacaq.
Fanat.Az xəbər verir ki, tura bölgədə keçiriləcək iki oyunla yekun vurulacaq.
Əvvəlcə "Qəbələ" "İmişli"ni sınağa çəkəcək. Elitaya bu mövsüm Birinci Liqadan yüksələn komandaların saat 15:30-da başlayacaq dueliniə Rəşad Əhmədov idarə edəcək.
Turun bağlanış matçında "Turan Tovuz" ilə "Sumqayıt" üz-üzə gələcəklər. Uzun fasilədən sonra yenidən Tovuza dönən Kurban Berdiyevin komandası əsas rəqiblərinin xal itirməsindən yararlana, həm özündən öndəkilərlı xal fərqini azalda biləcək, həm də "Zirə"dən aralanaraq 3-cü yerdə möhkəmlənəcək. "Gənclik şəhəri" təmsilçisi isə 8 oyunluq qələbəsizlik seriyasına son qoymaq əzmindədir.
Turun cümə və şənbə günü keçirilən oyunlarında "Karvan-Yevlax" "Kəpəz"i (4:1), "Neftçi" "Araz-Naxçıvan"ı (2:1) üstələyib, "Qarabağ" "Şamaxı" ilə (0:0), "Sabah" isə "Zirə" ilə (2:2) heç-heçəyə razılaşıb.
Misli Premyer Liqası
27-ci tur
12 aprel
“Qəbələ” – “İmişli”
Hakimlər: Rəşad Əhmədov, Eyyub İbrahimov, Tərlan Talıbzadə, İslam Məmmədov.
VAR: Əli Əliyev, Zöhrab Abbasov.
Hakim-inspektor: Əmrah İbrahimov.
AFFA nümayəndəsi: Kifayət Mustafayeva.
Qəbələ şəhər stadionu, 15:30
“Turan Tovuz” – “Sumqayıt”
Hakimlər: Kamranbəy Rəhimov, Akif Əmirəli, Kərim Zeynalov, Kamran Əliyev
VAR: Fərid Hacıyev
AVAR: Rəhman İmami
Hakim-inspektor: Babək Quliyev
AFFA nümayəndəsi: Nəriman Axundov
Tovuz şəhər stadionu, 18:00
