İslamadabda baş tutan danışıqlar gözlənildiyi kimi kifayət qədər gərgin başlayıb. Məlumatlı mənbələrin bildirdiyinə görə, ABŞ vitse-prezidenti Cey Di Vens və İran parlamentinin spikeri Məhəmməd-Baqer Qalibaf görüşün ilk dəqiqələrindən öz kəskin mövqelərini ortaya qoyublar. Lakin saatlarla davam edən müzakirələrdən sonra Qalibaf amerikalı diplomatların baxış bucağını dəyişməyi bacarıb.
NOCOMMENT.az xəbər verir ki, bu barədə tanınmış analitik Devid İqnatius “Washington Post” qəzetindəki məqaləsində yazıb. Müəllif qeyd edir ki, müzakirələrin gedişində Qalibaf ABŞ nümayəndə heyətində nəzakətli, son dərəcə peşəkar bir diplomat və “yeni İranın” potensial lideri təəssüratını yaradıb.
Bu görüş, Vaşinqton və Tehran arasında uzun müddətdir davam edən diplomatik soyuqluq fonunda yeni bir mərhələnin başlanğıcı kimi qiymətləndirilir. Analitiklərin fikrincə, Qalibafın nümayiş etdirdiyi praqmatik yanaşma İslamadab danışıqlarının gözlənilməz nəticələrindən biri hesab oluna bilər.
Sara,
NOCOMMENT.az
