Papa XIV Leo ABŞ prezidenti Donald Trampın sərt tənqidlərinə cavab verdi. Roma Katolik Kilsəsinin rəhbəri Vatikanın sülh və barışıq çağırışlarının İncilə əsaslandığını və hazırkı Ağ Ev administrasiyasından qorxmadığını bildirib.
Herbiand.az xəbər verir ki, Papanın fikirlərini Associated Press yayıb.
Papa vurğulayıb ki, onun sülhə ümumi çağırışı və "hər şeyə qadirlik illüziyası"nı tənqid etməsi Trampa və ya başqasına birbaşa hücum deyil.
“İncilin mesajı çox aydındır: "Sülh yaradanlar mübarəkdir". Bu gün çoxlu insan əziyyət çəkir, çoxlu günahsız insan öldürülüb və inanıram ki, kimsə ayağa qalxıb daha yaxşı bir yol olduğunu deməlidir".
