Azertag portalından əldə olunan məlumata əsasən, ain.az xəbər verir.
Füzuli, 14 aprel, AZƏRTAC
İşğaldan azad edilmiş Füzuli rayonunun Aşağı Əbdürrəhmanlı kəndində mina partlayışı nəticəsində həlak olan Muğan Mətilinin nəşi torpağa tapşırılıb.
AZƏRTAC-ın bölgə müxbiri xəbər verir ki, ANAMA-nın əməkdaşı, 1995-ci il təvəllüdlü Muğan Rəfayıl oğlu Mətilinin nəşi Bala Bəhmənlidə ailəsinin yaşadığı ünvana gətirilib və vida mərasimi olub.
Sonra Muğan Mətilinin nəşi Bala Bəhmənlidə qəbiristanlıqda torpağa tapşırılıb.
12:11
Aprelin 14-də işğaldan azad edilmiş Füzuli rayonunun Aşağı Əbdürrəhmanlı kəndi ərazisində mina hadisəsi baș verib.
Bu barədə AZƏRTAC-a Azərbaycan Respublikasının Minatəmizləmə Agentliyindən (ANAMA) məlumat verilib.
Bildirilib ki, agentliyin əməkdaşı, 1995-ci il təvəllüdlü Muğan Rəfayıl oğlu Mətili xidməti vəzifəsini yerinə yetirərkən tankəleyhinə mina partlayışı baş verib.
Hadisə nəticəsində əməkdaş həyatını itirib.
Müxbir-Aydın Yavərzadə
Daha ətraflı məlumat və yeniliklər üçün ain.az saytını izləyin.
