ain.az, GlobalInfo saytına istinadən bildirir.
ABŞ “Kətaib Hizbullah”ın rəhbərliyinə qarşı mükafat elan edib.
Globalinfo.az xəbər verir ki, bu barədə ABŞ Dövlət Departamenti açıqlama yayıb. Bildirilib ki, “Kətaib Hizbullah”ın Baş katibi Əbu Hüseyn əl-Həmidavi haqqında məlumat verənlərə 10 milyon dollara qədər mükafat təklif edilir.
Rəsmi bəyanatda qeyd olunub ki, təşkilatın fəaliyyəti nəticəsində mülki şəxslər həlak olub, ABŞ vətəndaşları qaçırılıb və müxtəlif obyektlərə hücumlar həyata keçirilib. Bu səbəbdən Vaşinqton sözügedən şəxsin yerinin müəyyən edilməsi üçün yüksək məbləğdə mükafat ayırıb.
Qeyd edək ki, “Kətaib Hizbullah” 2003-cü ildə ABŞ-nin İraqa müdaxiləsindən sonra yaradılmış şiə silahlı qruplaşmasıdır. Təşkilat fəaliyyətində Hizbullah modelindən istifadə edir və İslam İnqilabı Keşikçiləri Korpusunun xüsusi təyinatlı “Qüds” qüvvələri ilə əlaqəli olduğu bildirilir.
Tahir Turan
Globalinfo.az
Daha ətraflı məlumat və yeniliklər üçün ain.az saytını izləyin.
