Yeniavaz portalından verilən məlumata əsasən, ain.az bildirir.
Fransız avtomobil istehsalçısı “Renault” ucuz həllər təklif edən Çin şirkətlərinin rəqabəti qarşısında daha çevik olmaq üçün qlobal mühəndis heyətini 15-20% ixtisar etməyi planlaşdırır.
Yeniavaz.com xəbər verir ki, bu barədə şirkətdən məlumat verilib.
Məlumata görə, ixtisarların növbəti iki il ərzində həyata keçirilməsi nəzərdə tutulur.
Hazırkı mühəndis heyətinin təxminən 11 000-12 000 nəfər olması nəzərə alınmaqla, ixtisarların 2400-ə qədər işçiyə təsir edəcəyi gözlənilir.
Digər tərəfdən, “Renault” 2027-ci ilə qədər zavodlarında insanları robotlarla əvəz etməyi planlaşdırır.
Fransanın “Wandercraft” startapı ilə birgə hazırlanan “Calvin-40” robotu cəmi 40 gün ərzində yaradılıb və başsızdır.
“Tesla”nın “Optimus” robotundan və ya “Hyundai”, “Mercedes-Benz” və BMW tərəfindən sınaqdan keçirilən cihazlardan fərqli olaraq, “Calvin-40” insanları təqlid etməyə çalışmır.
Onun məqsədi sadə, lakin fiziki cəhətdən çətin tapşırıqları yerinə yetirməkdir.
Ən son xəbərləri və yenilikləri almaq üçün ain.az saytını izləyin.
