Redaktor.az saytına istinadən ain.az xəbər verir.
“Artıq sənəd qəbuluna start verilib və proses ayın 18-dək davam edəcək. Namizədlərə tövsiyə olunur ki, sənədlərini vaxtında təqdim etsinlər”.
Redaktor.az “Azərbaycan müəllimi”nə istinadla xəbər verir ki, bunu Dövlət Proqramı İdarəetmə Qrupunun layihə rəhbəri Qədir Xəlilov Təhsil TV-nin qonağı olarkən deyib.
Qədir Xəlilov qeyd edib ki, bəzi hallarda xarici universitetlərdən sənədlərin alınması gecikə bilər və bu, normal hal hesab olunur: “Universitetdən və ölkədən asılı olaraq sənədlərin təqdim olunma müddəti dəyişə bilir”.
Onun sözlərinə görə, belə halları nəzərə alaraq Dövlət Proqramında “şərti qəbul” mexanizmi tətbiq edilir: “Praktikaya əsaslanaraq artıq 4 ildir ki, bu mexanizmdən istifadə edirik və məqsədimiz namizədlərə maksimum dəstək göstərməkdir. Bu çərçivədə bəzi sənədlər ilkin mərhələdə şərti şəkildə qəbul olunur”.
Lakin o da vurğulanıb ki, şərti qəbul son nəticəyə zəmanət vermir: “Elə hallar olub ki, namizəd “şərti qəbul” əsasında bütün mərhələləri uğurla keçib, lakin yekunda təqdim etdiyi sənədlər tələb olunan minimum meyarlara uyğun olmadığı üçün proqramdan kənarda qalıb”.
Sonrakı hadisələr barədə daha çox məlumat almaq üçün ain.az saytını izləyin.
