ain.az xəbər verir, Yenisabah saytına əsaslanaraq.
Bakının mərkəzində, Şəmsi Bədəlbəyli küçəsi 92 ünvanında yerləşən yaşayış binasındakı mənzillərdən birinə eyvan quraşdırılması məsələsinə aydınlıq gətirilib.
“Yeni Sabah”ın sorğusuna cavab olaraq Nəsimi Rayon Mənzil-Kommunal Təsərrüfat Birliyindən bildirilib ki, leysan yağışlarının təsirindən binanın beşinci mərtəbəsində yerləşən eyvan ciddi qəzalı vəziyyətə düşüb.
Qurumun məlumatına görə, təhlükə yaradan eyvan tam sökülüb və hazırda yenidən quraşdırılır.
Qeyd olunub ki, aparılan işlər mövcud qəzalı vəziyyətin aradan qaldırılması məqsədi daşıyır.
Xatırladaq ki, “Yeni Sabah” dünən Şəmsi Bədəlbəyli küçəsində, Heydər Əliyev Sarayının yaxınlığında yerləşən tarixi memarlıq üslublu binanın yuxarı hissəsində artırma işlərinin aparılması ilə bağlı xəbər yayımlamışdı. Həmin vaxt əraziyə avtokran tipli xüsusi texnika gətirildiyi, binanın fasad və yuxarı hissəsində metal karkas quraşdırıldığı müşahidə olunmuşdu.
Əsmətxanım Rzazadə
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
