Azərbaycan cüdoçusu Zelim Tçkayev Avropa çempionatında bürünc medal qazanıb.
QOL.az xəbər verir ki, 81 kq çəki dərəcəsində idmançı Gürcüstanın paytaxtı Tbilisidə keçirilən turnirdə üçüncü yer uğrunda belçikalı rəqibi Mattias Kasseyə qalib gəlib. Beləliklə, Tçkayev yarışı üçüncü pillədə başa vurub.
Qeyd edək ki, daha əvvəl Hidayət Heydərov (73 kq) gümüş, Əhməd Yusifov (60 kq) və Turan Bayramov (66 kq) bürünc medal qazanıblar. Yarış aprelin 19-da başa çatacaq.
