“Koventri Siti”nin baş məşqçisi Frenk Lempard İngiltərənin ikinci ən güclü liqası olan Çempionşipdə mövsümün ən yaxşı məşqçisi seçilib.
QOL.az xəbər verir ki, bu barədə yarışın rəsmi saytı məlumat yayıb.
Buna “Koventri Siti”nin “Blekbern”lə 1:1 hesablı heç-heçəsi də təsir edib. Bu nəticə komandanın ən azı 2-ci yeri təmin etməsinə və 2000/2001 mövsümündən sonra ilk dəfə İngiltərə Premyer Liqasına yüksəlməsinə şərait yaradıb.
Lempard 2024-cü ilin noyabrında komandanın sükanı arxasına keçib. O, daha əvvəl “Derbi Kaunti”, “Çelsi” və “Everton”u çalışdırıb.
