Bu gündən Qazaxıstanın paytaxtı Astana şəhərində “Regional Ekoloji Sammit - 2026 öz işinə başlayıb.
Azərbaycan Respublikasının QHT Agentliyinin İdarə Heyətinin sədri Aygün Əliyeva, Agentliyin əməkdaşı Afərin Quliyeva tədbirin açılış sessiyasında və “8th Central Asian Conference on Climate Change (CACCC-2026) – “NDCs 3.0: From Commitments to Action” (İqlim Dəyişmələri üzrə 8-ci Mərkəzi Asiya Konfransı – “Milli səviyyədə müəyyən edilmiş töhfələr 3.0: öhdəliklərdən fəaliyyətə”) adlı tədbirdə iştirak ediblər.
Tədbir “Ortaq dayanıqlı gələcək baxışı” mövzusuna həsr olunub və aprelin 24-dək davam edəcək.
Sammit çərçivəsində Tehran Konvensiyası üzrə keçirilən nazirlər dialoqu və Xəzər dənizi regionunda ekoloji təhlükəsizlik məsələləri xüsusi diqqət mərkəzindədir.
