Ağstafada 8-ci sinif şagirdinin bıçaqlandığı iddia edilir...
Xezerxeber.az xəbər verir ki, hadisəni törətməkdə şübhəli bilinən şagirdlərin valideynləri isə bıçaqla xəsarət faktını inkar edirlər.
Onların sözlərinə görə, şagirdlərin üçü də dost olublar və tənəffüs zamanı aralarındakı zarafat zamanı digərinə xəsarət yetiriblər.
Xəsarət alan şagird tibb müəssisəsinə aparılıb.
Şagirdlərin təhsil aldıqları məktəbdən bildilib ki, IX sinif şagirdi VIII sinif şagirdinə aralarında yaranmış mübahisə zamanı yüngül xəsarət yetirib. Onun səhhəti məktəb rəhbərliyi tərəfindən nəzarətdə saxlanılır.
Ağstafa Rayon Polis Şöbəsindən isə bildirildi ki, məktəbdə şagirdə kəsici-deşici alətlə xəsarət yetirilməsi barədə polisə məlumat daxil olub. Hazırda hadisə ilə bağlı müvafiq tədbirlər görülür.
Xezerxeber.az mövzu ilə bağlı daha ətraflı videomaterialı təqdim edir.
