Bizimyol portalından verilən məlumata əsasən, ain.az bildirir.
İran rəhbərliyində vəziyyət kəskin şəkildə gərginləşib: parlamentin spikeri Məhəmməd Baqir Qalibaf hərbi strukturların müdaxiləsindən sonra beynəlxalq danışıqlarda iştirakdan imtina edib.
Bizimyol.info xəbər verir ki, İsrailin 12-ci telekanalının etibarlı mənbələrə istinadən verdiyi məlumata görə, Tehranın ali hakimiyyət dairələrində ciddi daxili qarşıdurma yaşanıb. Bu qarşıdurma son illərin ən dərin böhranı kimi qiymətləndirilir, çünki müxtəlif təsir mərkəzləri arasındakı çəkişmə mühüm qərarların qəbulunu faktiki olaraq iflic edib.
Daha əvvəl ABŞ ilə qeyri-rəsmi təmasları koordinasiya edən və İslamabadda da daxil olmaqla danışıqlar aparan Qalibaf bu prosesdən çıxdığını açıqlayıb.
Bu addımın əsas səbəbi kimi İslam İnqilabı Keşikçiləri Korpusunun (SEPAH) nümayəndələrinin artan müdaxiləsi göstərilir. Mənbələrin bildirdiyinə görə, Əhməd Vahidi və Hüseyn Əmir-Abdollahiyan da daxil olmaqla bir sıra generallar danışıqlar prosesinə fəal təsir göstərməyə başlayaraq manevr imkanlarını məhdudlaşdırıblar.
Bundan əlavə, Qətərin vasitəçiliyi ilə Hörmüz boğazında gəmiçiliyin təmin olunmasına dair irəli sürülmüş təşəbbüsün pozulması da vəziyyəti daha da mürəkkəbləşdirib. Təklif qarşılıqlı addımları nəzərdə tuturdu: İran limanlarından 20 gəminin keçidinə icazə verilməsi müqabilində Fars körfəzi ölkələrinə məxsus 20 gəmi üçün təhlükəsiz tranzit zəmanəti.
Bu fonda Tehrandakı vəziyyət son dərəcə gərgin qiymətləndirilir və baş verənlər siyasi rəhbərlik daxilində ciddi böhran kimi xarakterizə olunur.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
