ain.az, Demokrat.az saytından verilən məlumata əsaslanaraq xəbər yayır.
Həkimlər “pis” xolesterin kimi tanınan LDL səviyyəsini azaltmaq üçün təsirli qida məhsulunu açıqlayıblar.Demokrat.az xəbər verir ki, Daily Mail nəşrinin məlumatına görə, dietoloq Jen Walpole bildirir ki, qozun müntəzəm qəbulu ümumi xolesterin və LDL səviyyəsini azalda bilər. LDL qanda xolesterini daşıyan və damar divarlarında yığılıb lövhələr yaradan maddədir.Mütəxəssisin sözlərinə görə, qozun bu təsiri bir sıra elmi araşdırmalarla təsdiqlənib. Xüsusilə Circulation jurnalında dərc olunan tədqiqat göstərib ki, qozun rasiona daxil edilməsi böyüklərdə xolesterin səviyyəsini aşağı salır.Bundan əlavə, WAHA (Walnuts and Healthy Aging) layihəsi yaşlı insanlarda qozun müntəzəm istifadəsinin lipid göstəricilərini yaxşılaşdırdığını ortaya qoyub. The American Journal of Clinical Nutrition jurnalında dərc edilən əlavə analiz isə LDL səviyyəsinin davamlı şəkildə azaldığını təsdiqləyib.Həkim izah edib ki, qozun tərkibindəki doymamış yağlar, lif və zülal bu təsirdə əsas rol oynayır. Xüsusilə omeqa-3 yağ turşuları, o cümlədən alfa-linolen turşusu iltihab əleyhinə təsir göstərir və ürək-damar sağlamlığını dəstəkləyir.Onun sözlərinə görə, gündə bir ovuc qoz yemək “pis” xolesterini təxminən 7% azaltmağa kömək edə bilər. Qoz eyni zamanda E vitamini, maqnezium və polifenollarla zəngindir. Bu maddələr oksidativ stressi və iltihabı azaldır.Oksidativ stress isə orqanizmdə sərbəst radikalların artması və onları zərərsizləşdirən antioksidantların çatışmazlığı ilə xarakterizə olunur. Bu vəziyyət hüceyrələrə, zülallara və DNT-yə zərər verə bilər və qocalma, ateroskleroz və xərçəng kimi xəstəliklərlə əlaqələndirilir.Bununla belə, mütəxəssis qozun ölçülü şəkildə istehlak edilməsini tövsiyə edir. Təxminən 28 qramlıq bir porsiya 200 kilokaloriyə qədər enerji və yüksək miqdarda yağ ehtiva edir. Həddindən artıq istifadə həzm problemlərinə səbəb ola bilər. Həmçinin qan durulaşdırıcı dərman qəbul edən şəxslər ehtiyatlı olmalıdır.İsmayıl
Demokrat.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
