Amerikanın "George H.W. Bush" aviadaşıyıcısı Yaxın Şərqə gəlib.
"Ölkə.az" xəbər verir ki, bu barədə "Frans-Press" agentliyi amerikalı hərbçilərə istinadla məlumat yayıb.
Nəticədə regionda fəaliyyət göstərən iri Amerika hərbi gəmilərinin sayı üçə çatıb.
Yaxın Şərq üzrə məsul hərbi komandanlıq "X" sosial şəbəkəsindəki hesabında göyərtəsi qırıcı təyyarələrlə dolu olan gəminin fotosunu paylaşaraq bildirib:
""George H.W. Bush" aviadaşıyıcısı aprelin 23-də Hind okeanında, ABŞ Mərkəzi Komandanlığının (CENTCOM) məsuliyyət zonasına daxil olub".
