ain.az, Bizimyol portalına istinadən məlumatı açıqlayır.
Müqəddəs Taxt-Tac süni intellektin hazırlanması və istifadəsinə etik yanaşmanı ifadə edən “alqoetika” konsepsiyasını fəal şəkildə təşviq etməyə davam edir.
Bizimyol.info xəbər verir ki, "Axios" nəşrinin məlumatına görə, katolik kilsəsi texnologiya nəhəngləri ilə humanitar dəyərlər arasında körpü rolunu oynamağa çalışır ki, tərəqqi ayrı-seçkilik alətinə çevrilməsin.
Son çıxışlarında Papa Leo XIV bildirib ki, süni intellekt cəmiyyətin həyatını yaxşılaşdırmaq üçün böyük potensiala malikdir. Lakin alqoritmlərin nəzarətsiz istifadəsi sosial sabitlik və fərdi azadlıqlar üçün risklər yaradır. Pontifikin fikrincə, maşınlar nə əxlaqi mühakiməyə, nə də həqiqi mərhəmət hissinə malik ola bilər, buna görə də əsas qərarlar həmişə insanın əlində qalmalıdır.
Vatikan artıq “Süni intellektin etikası üzrə Roma çağırışı” sənədinin imzalanmasına təşəbbüs göstərib. Bu təşəbbüsə əvvəllər "Microsoft" və "IBM" kimi korporasiyalar qoşulub. Sənəddə altı əsas prinsip müəyyən edilib: şəffaflıq, inklüzivlik, hesabatlılıq, qərəzsizlik, etibarlılıq və təhlükəsizlik. Təşəbbüsün əsas məqsədi süni intellekt texnologiyalarının ətraf mühitin qorunması və əhalinin ən həssas təbəqələrinin hüquqlarının müdafiəsi nəzərə alınaraq hazırlanmasını təmin etməkdir.
Vatikanda rəqəmsal bərabərsizlik problemi də xüsusi diqqət mərkəzindədir. Leo XIV narahatlığını ifadə edib ki, güclü texnologiyaların məhdud sayda şəxslərin əlində cəmləşməsi qlobal ədalətsizliyi daha da artıra bilər. “Süni intellekt varlılarla kasıblar arasındakı fərqi azaltmalı, yeni təcrid formaları yaratmamalıdır”, – deyə Müqəddəs Taxt-Tac vurğulayır.
Bundan əlavə, kilsə təhsil proqramlarının gücləndirilməsinə çağırır ki, gələcək nəsillər alqoritmlər tərəfindən yaradılan məlumatları tənqidi şəkildə qiymətləndirə bilsinlər. "Catholic News Service" agentliyinin məlumatına görə, gənclərə reallıqla simulyasiyanı ayırd etməyi öyrətmək, eyni zamanda yaradıcı düşüncə və canlı ünsiyyət bacarıqlarını qorumaq vacibdir.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
