ain.az, Modern.az saytına istinadən bildirir.
İranda təhlükəsizlik əməliyyatları çərçivəsində yüzlərlə şübhəli saxlanılıb.
Modern.az xəbər verir ki, bu barədə Mehr agentliyi məlumat yayıb.
Məlumata görə, SEPAH tərəfindən həyata keçirilən əməliyyatlar zamanı iki vilayətdə ümumilikdə 240-a yaxın şəxs saxlanılıb.
Kürdüstan vilayətində 11 nəfərin saxlanıldığı, bir silahlı qrup üzvünün zərərsizləşdirildiyi bildirilib. Eyni zamanda silah və sursat gizlədilən anbar aşkar olunub, əlavə olaraq təxminən 70 nəfər ayrı-ayrı reydlər zamanı saxlanılıb.
Kermanşah vilayətində isə SEPAH 155 nəfəri saxlayıb. Onların “əksinqilabi qruplara” aid olduğu iddia edilir. Saxlanılanlar arasında Mossad ilə əlaqədə olduğu bildirilən 4 nəfərin də olduğu qeyd olunub.
Bundan əlavə, Tehranda polis raket zərbələrinin düşdüyü yerlərlə bağlı məlumatları “düşmən şəbəkələrə” ötürməkdə ittiham olunan bir şəxsin saxlanıldığını açıqlayıb.
Daha ətraflı məlumat və yeniliklər üçün ain.az saytını izləyin.
