Yeniavaz portalından əldə olunan məlumata əsasən, ain.az xəbər verir.
Britaniya rok qrupu “The Rolling Stones” “Foreign Tongues” (“Xarici dillər”) adlı yeni studiya albomunu buraxmağa hazırlaşır.
Yeniavaz.com xəbər verir ki, bu barədə “Official Charts Company” məlumat yayıb.
Şirkət qrupun bir neçə ölkədəki reklam lövhələrində yerləşdirdiyi və rəsmi İnstaqram hesablarında müvafiq şəkilləri paylaşdığı şifrəli mesajlara diqqət çəkib. Avstraliya, Fransa, Böyük Britaniya və Polşada peyda olan posterlərdə Britaniya rokçularının müxtəlif dillərdə yazılmış yeni albomunun adı var. Mesajda “Rolling Stones”un imza simvolu - dil çıxarmış parlaq qırmızı dodaqlar da yer alır.
Qeyd edək ki, qrup son albomlarını 2023-cü ilin oktyabr ayında buraxıb. 18 ildən sonra ilk orijinal mahnıları olan “Hackney Diamonds” adlı albom da bu adla təqdim olunub. 12 mahnıdan ibarət albom dərhal Böyük Britaniya siyahılarında birinci yerə yüksəlib və iki həftə qalıb.
“The Rolling Stones” rok musiqisi tarixinin ən uğurlu qruplarından biri hesab olunur. Qrup 82 yaşlı solist Mik Caqqer, 82 yaşlı gitaraçı Kit Riçards və 78 yaşlı gitaraçı Ronni Vud ilə birlikdə çıxış etməyə davam edir. Qrupun uzun müddətdir nağaraçısı olan Çarli Uotts 2021-ci ildə 81 yaşında vəfat edib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
