Yaponiya Mərkəzi Bankı, İrandakı müharibənin təklif tərəfində riskləri artırması ilə əlaqədar olaraq inflyasiya proqnozlarını yuxarı istiqamətdə yeniləyib, uçot faiz dərəcəsini 0,75 faiz səviyyəsində sabit saxlayıb.
Marja xəbər verir ki, faizin sabit saxlanılması qərarı 6 lehinə, 3 əleyhinə səslə qəbul edilib və iqtisadçıların gözləntilərinə uyğun olub.
Yaponiya Mərkəzi Bankı həmçinin 2026-cı maliyyə ili üçün iqtisadi artım proqnozunu 1 faizdən 0,5 faizə endirib, baza inflyasiya proqnozunu isə 1,9 faizdən 2,8 faizə kəskin şəkildə artırıb.
Yaponiyada inflyasiya, İrandakı müharibənin enerji qiymətləri ilə bağlı narahatlıqları artırması fonunda mart ayında 1,8 faizə yüksələrək son beş aydan sonra ilk dəfə sürətlənib.
Ümumi inflyasiya isə fevral ayındakı 1,3 faiz səviyyəsindən 1,5 faizə yüksəlib və ardıcıl ikinci ayda da mərkəzi bankın 2 faiz hədəfindən aşağı qalıb.
