ain.az, Bizimyol saytına istinadən bildirir.
Qonşu ölkələrin Ukrayna üzərində Rusiya raket və dronlarını vurması faktiki olaraq mümkün deyil. Səbəb həm hüquqi, həm də hərbi məhdudiyyətlərlə bağlıdır.
Bizimyol.info xəbər verir ki, bu barədə Ukrayna Hərbi Hava Qüvvələrinin rəisi polkovnik Yuri İqnat açıqlama verib.
İqnat qeyd edib ki, hədəfləri vurmaq üçün təyyarələr Ukrayna ərazisinə daxil olmalı, düzgün bucaqla hədəfə yaxınlaşmalı və raketləri buraxmalıdırlar. Qonşu ölkələrin ərazisindən sərhədi keçmədən atəş açmaq mümkün deyil. Bundan əlavə, əməliyyatlarda mülki şəxslərin təhlükəsizliyi də nəzərə alınmalıdır.
25 aprel şənbə günü Rumıniyada Britaniyanın "Eurofighter Typhoon" qırıcıları Rusiya dronları sərhədə yaxınlaşanda havaya qaldırılıb, lakin dronlar sərhədi keçmədiyi üçün atəş açılmayıb. Eyni zamanda, Rusiya dronlarının qalıqları Rumıniyada, Vakareni şəhərindəki bir fermada tapılıb.
Prezident Vladimir Zelenski bildirib ki, Ukrayna Hava Hücumundan Müdafiə Qüvvələrinin "Patriot" raketlərinə yeni qurğulardan daha çox ehtiyacı var. İqnat isə vurğulayıb ki, "Patriot" sistemləri balistik raketləri vurmağa qadir olsa da, hazırda “az resursla işləyir”.
Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
