Azpolitika.az saytından alınan məlumatlara görə, ain.az xəbər verir.
BMT Təhlükəsizlik Şurası son iclasında İran ətrafında yaranmış vəziyyəti müzakirə edib. İclasda bir sıra ölkələrin nümayəndələri, o cümlədən BMT rəhbərliyi regionda artan gərginlik və dəniz təhlükəsizliyi məsələlərinə diqqət çəkiblər.
Müzakirələrdə əsas gündəm Hörmüz boğazı ətrafında yaranmış vəziyyət olub. Bildirilib ki, münaqişə başlamazdan əvvəl dünya neft istehlakının təxminən 20 faizi bu strateji dəniz keçidindən daşınırdı. Bu səbəbdən boğazın açıq və təhlükəsiz qalması beynəlxalq enerji bazarları üçün kritik əhəmiyyət daşıyır.
BMT-nin Baş katibi António Guterreş də çıxışında tərəfləri təmkinli olmağa və dəniz yollarının təhlükəsizliyini təmin etməyə çağırıb.
İclasdan sonra keçirilən mətbuat konfransında isə İranın BMT-dəki daimi nümayəndəsi Amir Saeid Iravani ABŞ və İsraili tənqid edib. O bildirib ki, bu ölkələr İran əleyhinə “qanunsuz müharibə” apararaq BMT Nizamnaməsini pozublar və regional sabitliyi təhlükə altına alıblar.
İravani xüsusilə Hörmüz boğazı ilə bağlı hüquqi arqument irəli sürərək qeyd edib ki, İran 1982-ci il Beynəlxalq Dəniz Hüququ Konvensiyasına qoşulmayıb. Onun sözlərinə görə, buna görə də həmin konvensiyanın müddəaları İran üçün məcburi xarakter daşımır:
“AzPolitika.info”
Sonrakı hadisələr barədə daha çox məlumat almaq üçün ain.az saytını izləyin.
