İsrailin Livanın Məcdəl Zun şəhərinə endirdiyi hava zərbəsi nəticəsində azı beş nəfər ölüb.
Publika.az xəbər verir ki, bu barədə Livan ordusunun mətbuat xidməti məlumat yayıb.
Bildirilib ki, hava hücumu xilasetmə əməliyyatlarının aparıldığı binalardan birini hədəfə alıb. “Xilasediciləri müşayiət edən ordu patrulundan iki əsgər yaralanıb”, – deyə açıqlamada qeyd olunur.
Livanın Baş naziri Nəvaf Salam qurbanların ailələrinə başsağlığı verib və mülki müdafiə əməkdaşlarına qarşı hücumu pisləyib.
