Tovuzda yol qəzası baş verib, xəsarət alanlar var

Tovuz, 29 aprel, AZƏRTAC

Tovuz rayonu ərazisində avtomobil qəzası baş verib.

AZƏRTAC-ın bölgə müxbiri xəbər verir ki, hadisə rayonun Dondarquşçu kəndi ərazisində qeydə alınıb. Belə ki, “Mercedes” markalı avtomobil idarəetmədən çıxaraq yol kənarındakı tikiliyə çırpılıb. Hadisə nəticəsində 3 nəfər xəsarət alıb. Yaralılar dərhal təcili tibbi yardım vasitəsilə Tovuz rayon Mərkəzi Xəstəxanasına çatdırılıb.

Faktla bağlı araşdırma aparılır.

_{Müxbir -Ruslan Novruzoğlu}