ABŞ və İsrail ilə münaqişə və ölkənin əvvəlki ali lideri Ayətullah Əli Xameneinin ölümü fonunda İranda həm siyasi, həm də hərbi güc İslam İnqilabı Keşikçiləri Korpusuna (SEPAH) keçib.
Publika.az xəbər verir ki, bu barədə “Reuters” agentliyi məlumat yayıb.
Nəşr bildirir: "Müharibə dövründəki təzyiqlər hakimiyyəti dar və daha sərt daxili dairədə cəmləşdirib. Bu dairə Ali Milli Təhlükəsizlik Şurasında (SNSC), Ali Liderin Ofisində və hazırda həm hərbi strategiyaya, həm də əsas siyasi qərarlara hakim olan İİKK-da kök salıb".
Qeyd olunur ki, hazırkı Ali Lider Müctəba Xamenei ölkənin güc strukturunun zirvəsində qalır. Lakin onun rolu əsasən əmrlər verməkdənsə, generalların verdiyi qərarları qanuniləşdirməkdir.
